Ulagyň täze görnüşi

Ulagyň täze görnüşi

Tehnologiýa we tehnika günsaýyn täze özgerişleriň esasynda ösýär. Netijede ulag ulgamynda hem täze-täze ulag görnüşleri döredilýär. Olar täze tehnologiki enjamlar bilen üpjün edilip, has-da döwrebaplaşdyrylýar. “Wolwo” kompaniýasy öz öndürýän awtoulaglarynda täze “Lidar” radiolokasiýa ulgamyny ornaşdyrmagy göz öňünde tutýär. Bu bolsa ulaga töweregindäki hereket ulgamyny kesgitlemäge, gerek bolan aralygy hasaba alyp, ulagyň özbaşdak netije çykarmagyna mümkinçilik berýär. Bu üstünlikler we synanyşyklar adamzat äleminde sürüjisiz ulaglaryň öndürilmeginiň we durmuşa ornaşdyrylmagy babatynda öňe ädimleriň ädilýändigini aňladýar. Netijede ynsan ömri üçin howply bolan ýol-transport hadysalarynyň öňüni almak maksady bilen ylmyň täze-täze açyşlaryň belentligine çykyp barýandygyny aýdyň görkezýär.

Metbugat we internet materiallary esasynda taýýarlan:

Türkmen döwlet binagärlik-gurluşyk institutynyñ talyby Döwlet Kowusow