Sagdynlyk durmuş we welosport
![Sagdynlyk durmuş we welosport](/_ld/3/324.jpg)
Makalalar
Sagdynlyk, berk bedenlilik, sagdyn durmuş ýörelgesi — bularyň ählisi adamyň uzak ýaşamagyna we ýaşan ömrüniň lezzetini duýmaga ýardam edýär. Adam saglygyny berkitmekde we keselleriň öňüni almakda bedenterbiýäniň we sportuň ähmiýeti örän uludyr. Çagalarda az hereketlilik ulular bilen deňeşdireniňde, diňe bir fiziki taýdan däl-de, akyl taýdan hem bozulmalara getirip bilýär. Sport az hereketlilik arkaly döreýän näsazlyklaryň öňüni alýar. Hereket işjeňliginiň orta we gartaşan ýaşly adamlarda peselmegi aterosklerozyň emele gelmegine, gan damarlaryň çeýeliginiň üýtgemegine hem-de bedende gan aýlanyşynyň bozulmagyna getirýär.
Welosiped sürmek sagaldyjy bedenterbiýäniň bir görnüşidir we onuň bilen çagalar özüniň fiziki ösüşini gowulandyrmak, uly adamlar bolsa öz saglyklaryny berkitmek üçin meşgullanmalydyrlar. Welosiped sürmek bedeniň we immunitetiň berkemegine getirýär. Lukmanlaryň bellemeklerine görä, bedende madda çalşygy güýçlenýär, dem alyş çuňlaşýar we öýkeniň howa çalşygy ýokarlanýar. Ýürek adamda dynuwsyz işleýän agza bolup, esasy adamyň sagdyn we uzak ýaşamagyny kepillendirýär. Welosiped sürmek bilen ýürek agzalary berkeýär, bu bolsa ýürek we damar keselleriniň öňüni alýar. Adamyň ýaşaýşynda nerw dartgynlygyndan saplanmak üçin welosiped sürmegiň peýdasy örän uludyr. Welosiped sürlen wagtynda bedeniň ähli myşsalarynyň işewür hereket etmegi netijesinde bedeniň içki agzalaryna täsir edip, gowy işlemegine, fermentleriň bölünip çykyşynyň kadalaşmagyna getirýär. Bu bedeniň madda çalşygyny gowulandyrýar we arterial gan basyşy kadalaşdyrýar.
Baýram Poladow
Türkmen döwlet binagärlik-gurluşyk institutynyñ talyby
Ctrl
Enter
Заметили ошЫбку
Выделите текст и нажмите Ctrl+EnterКомментарии (0)
In Kop Seredilen
![Talyplyk yyllary](http://zehinliler.com/_ld/0/21.jpg)
Talyplyk ýyllary
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
![ARKADAG ŞÄHERINDE OKUW ÖNÜMÇILIK TEJRIBELIGI GEÇIRILDI](http://zehinliler.com/_ld/5/587.jpg)
Häzirki döwürde türkmen halkynyň Milli Lideriniň hem-de Arkadagly Gahryman Serdarymyzyň taýsyz tagallalary netijesin...