Halkara hyzmatdaşlyk dowamat-dowam

19.01.2024ý.

Halkara hyzmatdaşlyk dowamat-dowam

Türkmenabat Halkara howa menzili resmi web-saýtynda 2024-nji ýylda esasy hyzmatdaşlyk etjek daşary ýurt awiakompaniýalary barada maglumat berdi.

Çeşmäniň ýazmagyna görä, halkara menzil üstümizdäki ýylda Gruziýanyň GeoSKY, Türkiýäniň MNG we Moldawiýanyň TERRA AWIA kompaniýalary bilen hyzmatdaşlygyny dowam etdirer.

Hyzmatdaşlygyň çäklerinde agzalan awiakompaniýalaryň ýük uçarlary Türkmenabat şäherinde tehniki gonuşy amala aşyrarlar. Ýylyň başyndan bäri bu kompaniýalaryň uçarlary menzilde birnäçe gezek tehniki gonuşy amala aşyrdylar. Welaýat merkezimizdäki howa menzilinde uçarlara türkmen topragyndan gazylyp alnan «gara altyndan» işlenilip taýýarlanylan uçar ýangyjy guýlup, beýleki tehniki hyzmatlar hem ýokary derejede amala aşyrylýar. 2018-nji ýylda açylyp, ulanylmaga berlen howa menzilinde munuň üçin ähli mümkinçilikler bar.

Nazar Agamyradow

Türkmen döwlet binagärlik-gurluşyk institutynyñ talyby