Buyandan

Derman taýýarlanylyşy hem ulanylyşy.

Owradylan buýanyň bir nahar çemçesiniň (15 g) üstüne ýarym litr (500 ml) suw guýup, pessaý otda 10 minut gaýnatmaly. Taýýar bolan peti hasa bilen süzüp, 5 çaý çemçesinden (25 g) her gezek nahardan öň içmeli.

Owradylan köküň bir nahar çemçesiniň (15 g) üstüne bir bulgur (200 ml) gaýnag suw guýup, haýal ýanýan otda 15—20 minut gaýnatmaly. Emele gelen peti her gün bir nahar çemçesinden (15 g) 4—5 gezek kabul etmeli.

Buýan köki garylan «kükrek çaýynyň» taýýarlanylyşy. Munuň üçin bir nahar çemçesi mukdaryndaky garyndynyň 3 bölegini atgulagyň ýapragy, 3 bölegini buýanyň köki we 4 bölegini dürotunyň ýapragy tutmaly. Garyndy taýýar bolansoň üstüne iki bulgur (400 ml) gaýnag suw guýup, 20 minut goýmaly. Taýýar çaýy ýyljajykka 1—2 bulgurdan (200—400 ml) içmeli.

Türkmen döwlet binagärlik-gurluşyk instutynyñ talyby Didar Aşyrow