Halk bähbitli işler durmuşa geçirilýär
![Halk bähbitli işler durmuşa geçirilýär](/_ld/6/658.jpg)
Makalalar
Halk bähbitli işler durmuşa geçirilýär
Ýurdumyzda raýat awiasiýasynyň düzümlerini döwrebaplaşdyrmak maksady bilen uly işler durmuşa geçirilýär. Şu aýyň başynda Aşgabat Halkara howa menziline hormatly Prezidentimiziň degişli Kararyna laýyklykda satyn alnan «Boeing777-300ER» kysymly täze ýolagçy uçary gelip gondy. Ýokary tygşytlylygy, rahatlygy bilen tapawutlanýan bu howa gämisi 368 ýolagçyny gatnatmaga niýetlenilendir. Dünýäniň iň öňdebaryjy tehnologiýalary we işläp taýýarlamalary bilen üpjün edilen uçarda ýaş çagalar üçin ýörite sallançaklaryň oturdylandygyny-da bellemek gerek. Uçaryň Ýewropanyň we Aziýanyň islendik nokadyna uçuşlary amala aşyrmaga mümkinçiligi bar.
Üstümizdäki ýylda ýurdumyza Fransiýa Respublikasyndan iki sany «Airbus A330-200 P2F» kysymly ýük uçarlary hem gelip gowuşdy. Olar arkaly dürli ugurlar boýunça ýük daşamak amala aşyrylar. Daşary ýurt awiakompaniýalarynyň üstaşyr uçuşlar we uçarlaryň ýangyjynyň üstüni dolmak üçin ýurdumyzyň howa giňişligini peýdalanmaga bolan gyzyklanmalary-da barha ösýär.
Berkarar döwletiň täze eýýamynyň Galkynyşy döwründe ýurdumyzyň gülläp ösmegi üçin ähli şertleri döredýän, ulag ulgamynda iri taslamalary durmuşa geçirýän Gahryman Arkadagymyzyň we Arkadagly Gahryman Serdarymyzyň janlarynyň sag bolmagyny, alyp barýan il-ýurt bähbitli işleriniň rowaç almagyny tüýs ýürekden arzuw edýäris.
Döwletgeldi Çarwaýew
Türkmen döwlet binagärlik-gurluşyk institutynyñ mugallymy
Ctrl
Enter
Заметили ошЫбку
Выделите текст и нажмите Ctrl+EnterКомментарии (0)
In Kop Seredilen
![Talyplyk yyllary](http://zehinliler.com/_ld/0/21.jpg)
Talyplyk ýyllary
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
![ARKADAG ŞÄHERINDE OKUW ÖNÜMÇILIK TEJRIBELIGI GEÇIRILDI](http://zehinliler.com/_ld/5/587.jpg)
Häzirki döwürde türkmen halkynyň Milli Lideriniň hem-de Arkadagly Gahryman Serdarymyzyň taýsyz tagallalary netijesin...