Türkmen alabaýynyň baýramy giňden belle­niler

Türkmen alabaýynyň baýramy giňden belleniler

​ ​ ​ ​ ​ ​ ​ ​ ​ Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde, türkmen halkynyň milli mirasyna, naýbaşy gymmatlyklaryna sarpa gün saýyn artýar. Türkmen halkynyň Milli Lideri Gahryman Arkadagymyzyň başlangyjy bilen Halkara «Türkmen alabaý itleri» assosiasiýasynyň döredilmegi, her ýylyň oktýabr aýynyň soňky ýekşenbesiniň​ Türkmen alabaýynyň baýramy hökmünde yglan edilmegi hem munuň aýdyň subutnamasydyr. Halkara «Türkmen alabaý itleri» assosiasiýasy ýurdumyzda itşynaslygy ösdürmek boýunça uly göwrümli işleri alyp barýar. Aýratyn hem, Garaşsyz, baky Bitarap Türkmenistan döwletimiziň harby we hukuk goraýjy edaralarynyň Halkara «Türkmen alabaý itleri» assosiasiýasynyň agzalary bolmagy, türkmen alabaýlaryny degişli düzümleriň işinde, hususan-da, serhet goşunlarynda, döwlet we aýratyn desgalary goramakda, gümrük, migrasiýa nokatlarynda işjeň ulanmaga mümkinçilik döredýär.

​ Türkmen alabaýyna goýulýan sarpanyň mysaly hökmünde agzasak, Arkadag Serdarly bagtyýar ýaşlar ýylynda hem Aşgabat şäherinde 2023-nji ýylyň 29-njy oktýabrynda Türkmen alabaýynyň baýramy mynasybetli «Ýylyň türkmen edermen alabaýy» atly halkara bäsleşigi hem-de türkmen alabaý itleriniň daşky keşbini şekillendiriş we amaly-haşam sungatynyň eserlerinde, neşir önümlerinde, fotosuratlarda, teleýaýlymlarda çeper beýan etmek ugrunda halyçylaryň, suratkeşleriň, heýkeltaraşlaryň, fotosuratçylaryň, neşirýat işgärleriniň we teleoperatorlaryň arasynda bäsleşikler geçiriler. Munuň özi, türkmen halkynyň milli baýlygy we buýsanjy bolan nusgalyk türkmen alabaýynyň dünýädäki şan-şöhratyny has-da belende galdyrmak bilen bagly işleriň hiç wagt ünsden düşürilmeýändiginiň alamatydyr.​

Saparmyrat Annaorazow

Türkmen döwlet binagärlik-gurluşyk institutynyñ talyby