Asyra barabar taryhy işler durmuşa geçirilýär
![Asyra barabar taryhy işler durmuşa geçirilýär](/_ld/6/650.jpg)
Makalalar
Asyra barabar taryhy işler durmuşa geçirilýär
Berkarar döwletiň täze eýýamynyň Galkynyşy döwrüniň binagärlik sungatynyň egsilmez ajaýyplygy bolan Arkadag şäheri Gahryman Arkadagymyzyň paýhasyndan dörän döredijilik pikirleriniň miwesi bolup, bu günki gün gojaman Köpetdagyň eteginde ýurdumyzyň gözelligine gözellik goşýar. Mälim bolşy ýaly, 2019-njy ýylyň 4-nji martynda Gahryman Arkadagymyz täze şäheriň gurluşygy bilen bagly Karara gol çekdi. Şol ýylyň 10-njy aprelinde bolsa paýtagtymyz Aşgabadyň 30 kilometr günorta-günbatarynda ýerleşýän Arkadag şäheriniň gurluşygy başlandy. Şu ýylyň 29-njy iýunynda Arkadag şäheriniň birinji tapgyrynyň açylyş dabarasy boldy. Onda ähli amatlyklary özünde jemleýän döwrebap ýaşaýyş jaýlary, orta mekdepler, çagalar baglary, dünýäniň iň ösen enjamlary bilen üpjün edilen çagalar sagaldyş-dikeldiş merkezi, hassahanalar, medeniýet ojaklary, inženerçilik ulgamlary we başga-da möhüm ähmiýetli desgalar açylyp ulanmaga berildi.
Arkadag Serdarly bagtyýar ýaşlar ýylynyň guwandyryjy wakalarynyň biri hem 16-njy iýunda döwlet Baştutanymyzyň gatnaşmagynda Arkadag şäheriniň gurluşygynyň ikinji tapgyryna badalga berilmegidir. Türkmenistanyň Prezidentiniň degişli Kararyna laýyklykda, gurluşygyň ikinji tapgyry 2023 — 2026-njy ýyllarda amala aşyrylar. Onda her biri 720 orunlyk umumybilim berýän mekdepleriň 5-si, 320 orunlyk çagalar baglarynyň 9-sy, saglyk öýi, ýangyna garşy göreş gullugynyň, şäher häkimliginiň edara binalary, «Saglyk» seýilgähi, muzeý, söwda we hyzmat ediş toplumy, şäheriň demir ýol we awtomobil menzilleri, awtotoplumy, bellige alyş bölümi hem-de ähli amatlyklary bolan ýaşaýyş jaýlarynyň ençemesi bina ediler.
Arkadagly Gahryman Serdarymyz ýurdumyzda, şol sanda paýtagtymyz Aşgabatda we Arkadag şäherinde alnyp barylýan gurluşyk işleriniň ýagdaýy bilen yzygiderli gyzyklanyp, aýratyn gözegçilikde saklaýar. Hormatly Prezidentimiziň gurluşyk işleriniň ýokary hilli bolmagy we desgalaryň öz wagtynda bina edilmegi bilen bagly tabşyryklary bermegi munuň aýdyň subutnamasydyr. 16-njy noýabrda döwlet Baştutanymyz Arkadag şäherine iş saparyny amala aşyryp, şäheriň ikinji tapgyrynda guruljak Türkmen oba hojalyk uniwersitetiniň binalar toplumynyň, onuň ylmy-önümçilik, tejribe meýdançalarynyň, ýyladyşhana toplumynyň, şonuň ýaly-da, Türkmenistanyň Oba hojalyk ministrliginiň däneçilik, ekerançylyk ylmy-barlag institutlarynyň binalarynyň we beýleki önümçilik maksatly desgalaryň taslamalary bilen tanyşdy.
Sebitde ilkinji «akylly» şäher diýlip yglan edilen döwrebap Arkadag şäherinde bu günki gün halkara derejeli dürli forumlar, medeni çäreler yzygiderli geçirilýär. Ýurdumyza dostlukly döwletlerden gelýän dürli wekiliýetleriň agzalaryny ekologik talaplara doly laýyk gelýän, ösen innowasiýaly, ähli amatlyklary özünde jemleýän Arkadag şäheri bilen tanyşdyrmak asylly däbe öwrüldi. Täze gurluşyklaryň mekanyna öwrülen türkmen topragynda şeýle ajaýyp şäheriň bina edilmeginde Gahryman Arkadagymyzyň peder ýoluny mynasyp dowam etdirýän Arkadagly Gahryman Serdarymyzyň öz halkynyň abadan, eşretli, bagtyýar zamanada ýaşamagy ugrunda edýän üznüksiz aladalary bar.
Bereket Töräýew
Türkmenistanyň Inžener-tehniki we ulag kommunikasiýalary institutynyň Demir ýol fakultetiniň 5-nji ýyl talyby
Ctrl
Enter
Заметили ошЫбку
Выделите текст и нажмите Ctrl+EnterКомментарии (0)
In Kop Seredilen
![Talyplyk yyllary](http://zehinliler.com/_ld/0/21.jpg)
Talyplyk ýyllary
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
![ARKADAG ŞÄHERINDE OKUW ÖNÜMÇILIK TEJRIBELIGI GEÇIRILDI](http://zehinliler.com/_ld/5/587.jpg)
Häzirki döwürde türkmen halkynyň Milli Lideriniň hem-de Arkadagly Gahryman Serdarymyzyň taýsyz tagallalary netijesin...