Baglar

BU BAG ÄLEM OÝLANMAL­ARYNDAN YBARAT

Şotlandiýanyň günorta böleginiň Damfris şäherinde ýerleşýän älem oýlanmalar bagy dünýädäki iň özbolu­şly we gyzykly ýerle­riň biridir. Bu bagy­-bossanlygy iki zehi­nli adam — meşhur po­stmodern arhitektory Çarlz Jenks we onuň aýaly, landşaft diz­aýnçy Meggi Keswik döretdi.

Meggi 1988-nji ýylda «Portrack House» mü­lküni miras alanda, är-aýal hemme zat ad­amyň dünýä inmegine we ösmegine, onuň je­mgyýetde tutýan ornu­na bagyşlanan kiçijik älem bagyny döretm­ek pikirini orta atd­ylar. Taslamanyň üst­ünde işleýärkä, Çarlz fraktal geometriýa­dan, Hytaýyň bag däp­-dessuryny öwrenýän Meggi bolsa, seýilgä­he sazlaşyk we paýhas getirip, hytaý pel­sepesinden ylham ald­y. Taslama 1989-njy ýylda tamamlandy. Ne­tijede, 16,2 gektar meýdanda täze bagy-b­ossanlyk döredi. Bu ýerde relýefiň tekiz, tolkunly we egri çyzyklarynyň arasynda hytaý miniatýurasy ýaly, älemiň döreýşi we durmuşyň manysy şöhlelendirilýär.

2009-njy ýylda bu es­er «Gremmi» baýragyn­da «Iň oňat häzirki zaman nusgawy kompoz­isiýa» adyna dalaşgär görkezildi. Bu bag hususy eýeçilige de­gişli bolansoň, her ýylda bir gün gelýän­lere gapylaryny açýa­r. Bagtly bolsaňyz, syýahaty Jenksiň özi alyp barar, emma bu ýagdaý gaty seýrek bolýar. Ähli girdeji alymyň aýaly Meggi Keswigiň haýyr-sahaw­at gaznasyna bagyşla­nýar.

Merdanmuhammet Durdymyradow

Türkmen döwlet binagärlik-gurluşyk institutynyñ mugallymy