Bagtyň we bagtyýarly­gyň mesgeni: Akylly şäher we döwrebaplyk​

Bagtyň we bagtyýarlygyň mesgeni: Akylly şäher we döwrebaplyk​

Arkadag şäherindäki öýlerde «akylly» öý ulgamy üçin niýetlenen elektrik energiýasynyň, gyzgyn we sowuk suwuň, tebigy gazyň sarp edilişini ölçeýji enjamlar, şeýle-de tebigy gazyň we suwuň syzýandygyny anyklaýjy enjamlar hem gurnalandyr. Bu bolsa öýleriň howpsuzlygyny üpjün edip, öýjükli telefonlar arkaly islendik ýerde hem-de wagtda jaýyň ýagdaýy bilen tanyşmaga mümkinçilik berýär.

Ata Watanymyzyň ykdysady kuwwatyny açyp görkezýän Arkadag şäheri abraýly halkara düzümleriň we guramalaryň birnäçesiniň güwänamalaryna mynasyp boldy. Bu bolsa Gahryman Arkadagymyzyň, peder ýoluny mynasyp dowam etdirýän Arkadagly Serdarymyzyň amal edýän işleriniň halkymyzyň eşretli durmuşda ýaşamagyna gönükdirilendigini alamatlandyrýar.

Oraznur Myratgulyýew

Türkmen döwlet binagärlik-gurluşyk institutynyñ talyby