Sungat — halklary ýakynlaşdyrýar
![Sungat — halklary ýakynlaşdyrýar](/_ld/6/653.jpg)
Makalalar
16.12.2023ý.
Sungat — halklary ýakynlaşdyrýar
Düýn Mary welaýatynyň Taryhy we ülkäni öwreniş muzeýinde Türkmenistanyň we Eýran Yslam Respublikasynyň amaly-haşam we mozaika sungaty boýunça bilelikdäki sergisiniň açylyş dabarasy boldy. Dabara ýurdumyzyň medeniýet we sungat ussatlary bilen birlikde Eýran Yslam Respublikasyndan gelen sungat, döredijilik işgärleri gatnaşdylar. Bu barada turkmenmetbugat.gov.tm habar berdi.
Serginiň açylyş dabarasynda çykyş edenler Türkmenistan bilen Eýran Yslam Respublikasynyň arasynda ýola goýlan köpugurly hyzmatdaşlyklaryň, şol sanda medeniýet ulgamynda ýurtlaryň arasyndaky alnyp barylýan işleriň üstünliklere beslenýändigini, şu günki sergide bolsa halklaryň milli gymmatlyklarynyň ýeten sepgitleri bilen tanyşmaga özboluşly ýardam berýändigini buýsanç bilen nygtadylar.
Iki gün dowam etjek sergide Eýrandan gelen amaly-haşam sungatynyň ussatlarynyň taýýarlan döredijilik işleri ýaýbaňlandyrylypdyr. Dürli ugurlarda taýýarlanan döredijilik we el işlerinde ýurduň özüne mahsus bolan däp-dessurlary, ýörelgeleri, şeýle-de tebigat gözellikleri öz beýanyny tapýar. Sergä gatnaşýan myhmanlar Mary welaýatynyň Taryhy we ülkäni öwreniş muzeýiniň gymmatlyklary, Türkmenistanyň Döwlet çeperçilik akademiýasynyň mugallymlarydyr talyp ýaşlarynyň taýýarlan sungat eserleri, Türkmenistanyň Suratkeşler birleşmesiniň Mary welaýatyndaky agzalarynyň taýýarlan sungat eserleri bilen tanyşdylar.
Dabaranyň dowamynda Eýran Yslam Respublikasyndan gelen mozaika sungatynyň ussatlary Fariborz Motamedi we Amirhossein Pourjabbari Khamene dagy dabara gatnaşýan myhmanlar üçin mozaika boýunça ussatlyk sapaklaryny geçdiler. Mary welaýatynyň Kemine adyndaky döwlet drama teatrynda bolsa iki ýurduň aýdym-saz toparlarynyň konserti geçirildi. Konsertde ýurdumyzyň medeniýet we sungat ussatlary bilen birlikde Eýran Yslam Respublikasyndan gelen «Zendegiýe Aýiniýe Mazändäran» saz we tans topary hem çykyş etdi.
Şu gün Türkmenistanyň we Eýran Yslam Respublikasynyň amaly-haşam we mozaika sungaty boýunça bilelikdäki sergisiniň jemleýji güni. Iki ýurduň döredijilik işgärleri «Gadymy Merw» taryhy-medeni döwlet goraghanasyna baryp görerler.
Yslamberdi Tyllanurow
Türkmen döwlet binagärlik-gurluşyk institutynyñ mugallymy
Ctrl
Enter
Заметили ошЫбку
Выделите текст и нажмите Ctrl+EnterКомментарии (0)
In Kop Seredilen
![Talyplyk yyllary](http://zehinliler.com/_ld/0/21.jpg)
Talyplyk ýyllary
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
![ARKADAG ŞÄHERINDE OKUW ÖNÜMÇILIK TEJRIBELIGI GEÇIRILDI](http://zehinliler.com/_ld/5/587.jpg)
Häzirki döwürde türkmen halkynyň Milli Lideriniň hem-de Arkadagly Gahryman Serdarymyzyň taýsyz tagallalary netijesin...