Magtymgulynyň goşgulary — türkmen milletiniň nusgalyk mekdebi
Makalalar
12.01.2024ý.
Magtymgulynyň goşgulary — türkmen milletiniň nusgalyk mekdebi
Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň başlangyçlary hem-de ynsanperwer syýasaty netijesinde, türkmen halkynyň akyldar şahyry, beýik söz ussady Magtymguly Pyragynyň ömrüne we döredijiligine bagyşlanyp ýurdumyzda we daşary ýurtlarda köp sanly medeni çäreler geçirilýär. Magtymguly Pyragynyň doglan gününiň 300 ýyllygy mynasybetli Türki medeniýetiň halkara guramasyna agza döwletleriň 2024-nji ýyly «Türki dünýäniň beýik şahyry we akyldary Magtymguly Pyragy ýyly» diýip yglan etmek hakynda ýurdumyzyň öňe süren başlangyjyny biragyzdan goldamagy şolaryň hataryndadyr. Şeýle-de Magtymguly Pyragynyň golýazmalar toplumynyň ÝUNESKO-nyň «Dünýäniň hakydasy» maksatnamasynyň halkara sanawyna girizilendigini hem buýsanç bilen bellemek gerek.
Akyldar şahyryň wagyz-nesihata, öwüt-ündewe we akyl-parasada ýugrulan şygyrlary türkmen halky, galyberse-de, dünýä halklary tarapyndan söýlüp okalýar. Magtymguly Pyragynyň türkmen halkyny agzybirlige, jebislige, watansöýüjilige, garaşsyz döwlet gurmaga çagyrýan kalp owazy umumadamzat bähbitli many-mazmuna eýedir. Şu nukdaýnazarda hem 2024-nji ýylyň «Pähim-paýhas ummany Magtymguly Pyragy» şygary bilen atlandyrylmagy möhüm ähmiýetlidir. Çünki ata Watanymyzda şahyryň döredijiliginde ynsanda belent ahlak sypatlary terbiýelemek meselesine uly orun berilýär.
Akyldar şahyryň ajaýyp eserleri, juda köptaraply temalar boýunça ýazan şygyrlaryndaky parasatly pikirleri hemmetaraplaýyn ösen şahsyýeti terbiýelemekde möhüm ähmiýete eýedir. Beýik şahyr şygyrlarynda türkmen halkynyň ruhy-ahlak ýörelgelerini, ynsanperwerlik, adalatlylyk ýaly belent sypatlaryny wagyz edipdir. Onuň köptaraply, many-mazmuna baý döredijiliginde türkmen halkynyň däp-dessuryna, ruhy ýörelgesine öwrülen, watançylyk, halallyk, agzybirlik, arassa ahlaklylyk, edeplilik, pespällik baradaky öwüt-nesihatlara ýugrulan goşgulary esasy orny eýeleýär.
Şahyryň pähim-paýhasa, öwüt-nesihata ýugrulan eserleri halkymyzyň ruhuna we aňyna mydamalyk siňipdir. Türkmen halkynyň beýik akyldary Magtymguly Pyragynyň edebi mirasy, ynsanperwerligi, päk ahlaklylygy, erkinligi, adalatlylygy wagyz edýän pelsepewi garaýyşlary, terbiýeçilik ähmiýetli ajaýyp şygyrlary kämil nesli terbiýelemekde bahasyz gymmatlykdyr.
Yhlas Myradow
Türkmen döwlet binagärlik-gurluşyk institutynyñ talyby
Ctrl
Enter
Заметили ошЫбку
Выделите текст и нажмите Ctrl+EnterКомментарии (0)
In Kop Seredilen
Talyplyk yyllary
Talyplyk ýyllary
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
Ýaşlygyň bir gaýtalanmaz pursaty,
Talyplyk ýyllary, talyp ýyllaryň.
Söýgi hy...
ARKADAG ŞÄHERINDE OKUW ÖNÜMÇILIK TEJRIBELIGI GEÇIRILDI
Häzirki döwürde türkmen halkynyň Milli Lideriniň hem-de Arkadagly Gahryman Serdarymyzyň taýsyz tagallalary netijesin...