Sport

Gaýtalanýan ýagdaý

Sportda dürli hili täsinlikler bolup geçýär. Köpleriň janköýerlik edýän futbol oýnunda hem şeýle. Käte pikir etmeýän toparlaryň orta çykyp, haýran galdyryjy netijeleri görkezýär. Netijede futbol äleminde täze-täze ýyldyzlar döreýär. Ady belli “Mançestr Ýunaýted” topary näme üçindir ispan toparlaryndan asgyn gelmegini dowam etdirýar. UEFA Ýewropa ligasynda ýarym finalçylar belli bolanda ýene-de “Mançestr Ýunaýtediň” garşydaşy “Sewilýa” topary boldy duruberdi. Angliýada deňme-deň oýnanam bolsa, “Sewilýa” öz meýdançasynda garşydaşlarynyň derwezesinden jogapsyz 3 pökgini geçirmegi başardy. Indi alty möwsümden bäri diňe ňspan toparlaryndan ýeňilip gelýan “Mançestr Ýunaýted” toparyna ýene-de indiki duşuşyklara çykmak nesip etmedi. “Sewilýa” bolsa 10 ýylyň dowamynda 4 gezek kubogy eýelemegi başardy.

Metbugat we internet materiallary esasynda taýýarlan:

Türkmen döwlet binagärlik-gurluşyk institutynyñ talyby Öwezgelen Ymamberdiýew