Türkmen döwlet bina­gärlik-gurluşyk inst­ituty talyplaryň arasynda ders bäsleşikleri geçirer ​

Türkmen döwlet binagärlik-gurluşyk instituty talyplaryň arasynda ders bäsleşikleri geçirer ​

2023-nji ýylyň 19-20-nji sentýabrynda Türkmen döwlet binagärlik-gurluşyk institutynda kompýuter grafikasy we elektrotehnika dersleri boýunça ýurdumyzyň ýokary okuw mekdepleriniň talyplarynyň arasynda ders bäsleşikleri geçiriler. Bu barada turkmenistan.gov.tm habar berdi.

Bäsleşikler Aşgabat şäherinde ýerleşýän ýokary okuw mekdepleriniň hem-de Türkmenistanyň Döwlet energetika institutynyň, Türkmen oba hojalyk institutynyň, Türkmenistanyň Deňiz we derýa institutynyň we Seýitnazar Seýdi adyndaky Türkmen döwlet mugallymçylyk institutynyň talyplarynyň gatnaşmagynda onlaýn, şahsy bäsleşik görnüşinde alnyp barylar.

Bäsleşige ýurdumyzyň ýokary okuw mekdepleriniň öz ýokary okuw mekdebinde iň gowy netije görkezen 3 talyp çagyrylar. Bäsleşikler türkmen dilinde geçirilip, meseleleri çözmek üçin 120 minut wagt berler.

Bäsleşikleriň ýeňijileri I, II, III derejeli diplomlar bilen sylaglanar.

Bally Annaýew

Türkmen döwlet binagärlik-gurluşyk institutynyň talyby