Aýdyň geljegiň ýollary

Aýdyň geljegiň ýollary

Her bir güni täsin ösüşler bilen öňe barýan ýurdumyzda tutulýan il-ýurt ähmiýetli tutumlar dünýä jemgyýetçiligi tarapyndan giň goldaw tapýar. Geçen aprel aýynyň ahyrynda, has takygy, 26-27 Birleşen Arap emirlikleriniň Dubaý şäherinde Türkmenistanyň nebitgaz toplumyna daşary ýurtlaryň maýa goýumlaryny çekmek boýunça halkara forumy geçirildi. Halkara energetika forumy “Türkmengaz”, “Türkmennebit” döwlet konsernleri, “Türkmengeologiýa” döwlet korporasiýasy tarapyndan guraldy. Bu foruma dünýäniň meşhur habar beriş gulluklarynyň birnäçesiniň wekilleri gatnaşdy. Forum Hormatly Prezidentimiziň oňa gatnaşyjylara iberen gutlagy bilen açyldy.

Bu maslahat Türkmenistanyň senagat pudagyny, milli ykdysadyýetini diwersifikasiýa ýoly bilen ösdürmekde, nebitgaz ýataklaryny bilelikde ösdürmekde maýa goýumlaryny çekmekde möhüm ähmiýete eýe boldy. Şeýle halkara derejesinde geçirilýän çäreller ajaýyp geljegiň ýollaryny aýdyňlaşdyrýar.

Türkmen döwlet binagärlik-gurluşyk institutynyñ mugallymy Aýna Atageldiýewa